Oj Frelko, freleczko,  ty szwarno dzieweczko 
nafyrlałaś mi we łbie, jako ci fest jabczok.     
Serce mi zwyndziłaś, dusze rozckliwiłaś,       
lukum na cie za dnia, lukom po cimoku.       

Nafyrlałaś mi we łbie, jako ci fest jabczok,       
rzyknij ino frelko, czy mi pszajać bydziesz.       
Lukum na cie za dnia, lukom po cimoku,           
co mom począć teroz, jako żyć bez ciebie!?       

Rzyknij ino frelko, czy mi pszajać bydziesz,       
czy czornom polywką z lauby mnie przegodnisz?
Co mom począć teroz, jako żyć bez ciebie?       
Nie dey mi dziwoczyć, ckliwić się i łożrać.           

Czy czornom polywką z lauby mnie przegodnisz,   
chichrać bydziesz zy mnie? Jeszcze roz cie spytom.
Nie dey mi zdziwoczyć, ckliwić się i łożrać.             
Kej cie jeszcze trefia w zielonym gaicku,                 

chichrać bydziesz zy mnie? Jeszcze roz cie spytom
roztomiła frelko, maszketno dzieweczko.                     
Kej cie jeszcze trefia w zielonym gaicku                  
rzyknij mi po prowdzie czy mosz bioły szlajer.           

Roztomiła frelko, maszketno dzieweczko 
serce mi zwyndziłaś, dusze rozckliwiłaś. 
Rzyknij mi po prowdzie czy mosz bioły szlajer    
oj Frelko, freleczko, ty szwarno dzieweczko.   



Ty-y. dn: 9/10.10.2022 r.

//wanda w./ -- Wanda Maria Wakulicz//


*******************************************************************

Słowniczek gwary śląskiej



bioły szlajer - biały welon
lauba - weranda 
po prowdzie - tak na prawdę
maszketno - słodka
maszkety - słodycze 
fest jabczok - mocne musujące wino
łożrać się - upić
gibać się - spieszyć się
trefia - spotkam
lukom - patrzę, spoglądam, podglądam
roztaić - roztopić 
tajeć - topnieć 
Ckliwić się - tęsknić
rzyknij - powiedz 
dziwoczyć - wariować 
pofyrlać - pomieszać 
nafyrlałaś we łbie - namieszałaś w głowie 
pofyrałaś   mi we łbie - pomieszałaś mi w głowie 
richtik - właściwie rzeczywiście na prawdę
frelka  - starsza dziewczynka - panienka 
bombony - cukierki 
maszketne bombony - słodkie cukierki